October 2010
Pihikan kung sa pihikan si Megan kaya naman sa edad niyang twenty-four ay hindi pa siya nagkakanobyo minsan man. Pero nang ipakilala sa kanya ng isang pinsan si Joseph Syjuco, nakita niya lahat ng hinahanap niya sa isang lalaki—and more.
He was totally every girl’s dream—matalino, mayaman, maalaga, guwapo, isang piloto at higit sa lahat, kasundo niya sa maraming bagay. Pasadong-pasado na ito para maging unang boyfriend niya.
Kaya lang, may sabit ito—at Grace yata ang pangalan.
Trivia:
hay, medyo magulo ang inspiration nito. may friends kasi ako, itago natin sa pangalang hero1, heroine1, hero2 and heroine2. sobrang close friends ni hero1 at heroine2 at maraming nag-aakalang sila pero hindi naman daw talaga sila. si heroine1 naman ay close friend din ni hero1 pero yun nga, friends lang sila. love na din yata ni heroine2 si hero1 pero dahil hindi malinaw kung ano’ng gusto ni hero1, pinakasalan na finally ni heroine2 si hero2. pero parang may something pa din sila until naisip ni hero1 na tutal close sila ni heroine1, subukan na lang nilang magkaroon ng totoong relasyon.
pero nagkaroon ng sari-sariling buhay ang mga characters ko so ayan, iba na ang kinalabasan. salamat kay Pam kasi siya ang kadaldalan ko nung nag-iisip ako, ano kaya ang career ng mga characters ko na ito? she suggested na gawin kong pilot si Joseph.
cover pegs are Gerard Butler and Meg Ryan